- الصحيفة: الأحرار.
- المحرر: محمود فوزي.
- المادة: عمود صحفي "متخصص".
- الموضوع طيب وواضح في اختياره تمرس المحرر بهذه النوعية من الكتابات، والحجم معقول أيضا والأفكار المعروضة جيدة، ولكن يؤخذ عليه اللغة العامية فقط، وصحيح أنه يكتب لمستوى معين أولا، ولكنه يكتب أيضا لكل القراء في صحيفة حزبية عامة، وقارئ هذا المقال أيا كانت نوعيته سوف يستطيع الإلمام بهذه الأفكار في حال كتابتها باللغة الصحفية العادية، وليس بهذه العامية الفلاحية إذا صح التعبير، كما أنه مقال صحفي، وليس حديثا إذاعيا.
- يصلح أيضا ليكون مقالا قائدا موقعا لهذا الركن أو الزاوية المتخصصة.
كلمة:
أخواني الفلاحين.. سلاما وتحية.
بكرة أول نوفمبر -أول السنة الزراعية- وكل سنة وأنتم طيبين وفي شهر نوفمبر بنزرع القمح، ولازم ننتهي من زراعة القمح قبل آخر نوفمبر علشان نجيب محصول كويس يوفي المصاريف، ويجيب لنا عائد كويس يكفينا ويكسينا احنا وأولادنا، وزراعة القمح بدري بتدي فرصة للنبات يكبر ويقوى، والسبلة تكون كبيرة والمحصول كثير. أما التأخير في الزراعة فله تأثير وحش قوي على المحصول. وعلى رأي المثل
[ ٣٠٦ ]
الفلاحي "من كل ميت بدري لما يغيب بدري ومن كل ميت وخري لما يصبح وخري" والنهاردة زرعة القمح مكسب والحمد لله؛ لأن الفدان لما يحاسب من سعر ١٠ أرادب يكون دخله للفلاح حوالي ٤٣٠ جنيه -القمح سعره ١٣ جنيه للأردب والتبن ٣٠ جنيه للحمل وكل أردب يجيب حمل تبن يعني زرعة مبروكة والحمد لله. في نفس الوقت البلد محتاجة القمح قبل آخر نوفمبر علشان إننا بنستورد حوالي ٤.٧ مليون طن قمح كل سنة علشان تكفي الاستهلاك ده علاوة على الدقيق والذرة، ولو كل فلاح اتبع التعليمات تمام في زراعة القمح من جهة الزراعة البدري والخدمة والتسميد والبدار راح يوصل إلى ١٤ أو ١٥ أردب قمح على الأقل بالأصناف الجديدة اللي الوزارة استنبطتها للقمح.
بلاش تزرع قمح في مخصص القطن، وكلنا عارفين مخصص القطن فين، وكروكيات الدورة متعلقة على باب الجمعية، وأي فلاح له شكوى يشتكي دلوقتي قبل زراعة القمح؛ لأن زراعة القمح بتحدد الدورة الزراعية؛ لأن الفلاح لو زرع قمح في تجميعة القطن مش من السهل إزالتها.
كل سنة وأنتم طيبين وربنا يعمم الخير علينا جميعا إن شاء الله.
محمود فوزي
[ ٣٠٧ ]