ورد إلينا الزجل بقلم الفاضل النحرير محمد حامد أفندي أحد طلبة العلم بالأزهر الشريف قال حفظه الله:
منى السلام لجنات سيدي شريف ومن نسل الهادي
ويوم حضوره كان عيدي انا وكل اهل الوادي
عندي حكاية يا أستاذ تنعنش الفكر الرايق
أحب تنشر في الأستاذ ويكون لك الفضل الفابق
الشمس طلعت صح النوم والساعة بالعربي عشرة
والله عجب يا جيل اليوم يللي على سنجة عشرة
حقًا أزمن ده زمن عايب يصيح السيد مملوك
والندل ديما فيه غالب والحر ضاع حنب الصعلوك
[ ٢٥١ ]
بونوسوار صارت بالكوم أما السلام أجره على الله
وعمتك جدنايت البوم سمي وحفض باسم الله
الوقت ده وقت البردون وادي البرول لحقه ف كعبه
وخدني باللك كلمة جون وابن الحرام حسبه ربه
صعبان علي جيل اليوم خسر وأحواله تحسر
ولعدش ينفع كتر اللوم لكن نقول كله مقدر
تلقى الولد تم السبعة وعَ الفرير قبل الكتاب
وبعد ما يتم التسعة مقدرشي أقولك قلبه داب
سنة فسنه يكبر دي الواد مع الشهادة السنويه
ومرة عن مره يزداد ويمتحن في البكلوريه
ويروح بها مطرح ما يريد ودحنا عارفين أخرتها
ويدور ويفهم أنه السيد ما يفتكر شي عاقبتها
تبص في السكه تشوفه مسبسب القصه وعاوج
زي القمر وقت كسوفه اكمن جيبه صبح رايج
إن كان مرادك تنده له لابد ما تقوله منشير
وتشد حيلك وتقف له وتعظمه وتديه سفنير
ويسير مع إخوانه المود وادي الغرور تالف عقله
ويقول لنفسه أنا فرجود ومين هناك حد يسأله
ستشفشي منه غير أوهام إلا الشيطان فيه متعشم
ويعش كده كل الأيام ويظن انه متعلم
[ ٢٥٢ ]
يا واد بقى فضك من دول والتفت شوف ايه بكره
والقلب صارمتك معلول وانت مفيش عندك فكرة
سايس أمورك بزيادة=يفكاك ساخر لكسمبرج
والألدورادوا صار عاده هو انت طار من عقلك برج
دور على نفسك تلقاك=مفيش كده أبدًا غفله
الصبح عند ذي مساك وكل شيء منك نفله
وفوق يشيخ من دِ السكره وانظر لحال مسقط راسك
وشد عن ساعد الفكره بكل قلبك وحواسك
تركت لغتك بالمرة وقلت حالها مش ماشي
ورحت تجري بلاد بره وقلت بلدي ممنهاشي
هي بلادك دي شويه=اللي الدول تتمناها
فيها العلوم مستوفيه وبس فتش تلقاها
طاوع وتوب عن دي الدوره وانظر لمصلحة الأوطان
واترك لنا لعب الكوره حب الوطن ده من الإيمان
ايك عسى الله تصغى لي وبلاش كده جد نايت سير
واتعلم العربي أحسن يظهر لك الفرق الظاهر
وخل وطنك لك مسكن تعيش نديم فاخر طاهر
واقبل كلام ما يتعيب وصحك تشوفه تتاخر
وطالع الأستاذ طيب وافهم معانيه للآخر
[ ٢٥٣ ]